Lalaki nga nakuhaan sang indi lisensyado nga armas luthang sa banwa sang Panitan, napasakaan na sang kaso

ROXAS CITY-Napasakaan na sang kaso nga paglapas sa Republic Act 10591 ukon Comprehensive Firearms and Ammunition Regulations Act ang lalaki nga nakuhaan sang indi lisensyado nga armas-luthang sa Brgy. Balatucan, banwa sang Panitan sang damlag lang.

Ginkilala ang suspek kay alyas Jun, yara sa legal nga pang-edaron kag residente sang nasambit nga lugar.

Matandaan nga nakuha sa paghinakop sang amo nga suspetsado ang isa ka unit sang caliber .38 revolver kag duha ka mga bala.

Sa karon, nagapabilin ang nasambit nga suspetsado sa Panitan Municipal Police Station para sa nagakaigo nga disposisyon.