ROXAS CITY – Nagapati ang pamilya sang 35-anyos nga lalaki nga wala sang foul play sa kamatayon sang ila nga himata nga nasapwan ang bangkay nga nagalutaw sa suba sa Barangay Bungsi, Mambusao, Capiz.
Kasunod sini nagpamalibad ang pamilya ni Jimmy Lauño nga ipaidalum pa sa autopsy ang bangkay sini.
Nauna na nga ginpahayag ni Jobert Lauño, pakaisa sang biktima nga nag-inum pa si Jimmy sa balay sang abyan nga si Abraham Loja sa Barrio Fe, Jamindan antes ang insedente.
Naglisensiya pa ang biktima sa abyan nga mapauli kag maagi sa suba nga amo ang boundary sang Barangay Bungsi kag Barrio Fe.
Ginpasiguro pa sini kay Loja nga masarangan sini ang pagtabuk sa suba sa pihak nga nakainum siya.
Apang ginkakibot na lamang sang pamilya Loja sang gintundaan nga napatay ang biktima matapos nga nalumos sa pagtabuk sa suba pauli sa ila balay.
