Lalaki nga nasapwan-patay sa Barangay Cagay, Roxas City, ginaalegar problema sa pamilya ang ginatudlo rason sang iya pag-utas sang kabuhi

Problema sa pamilya ang ginalantaw rason sang paghikog sang isa ka lalaki sa Sitio Cablatan, Barangay Cagay, Roxas City.

Sa interview sang Bombo Radyo kay Barangay Kagawad Isidro Aragon, ginkilala ang biktima sa alyas nga “Ruel,” 43 anyos, kag residente sang nasambit nga lugar.

Suno kay Aragon, ginapatihan madugay na sini nga problema sa pamilya ang posible nga nagtulod sa biktima sa paghikog.

Pahayag pa niya, nasapwan ang lalaki sa sulod sang iya kwarto kag wala na sang kabuhi.

Dugang pa sang natungdan, ginahulat pa ang resulta sang imbestigasyon sang mga awtoridad agud mahatagan sang maathag nga sirkumstansya sa kamatayon sang biktima.