ROXAS CITY – Desido ang 57-anyos nga lalaki nga padudlaon ang suspek nga nagsumbag sa iya bangud nagkinadlaw ini sa palagwaon sa TV sa Barangay Adlawan, Roxas City.
Sa interview sang Bombo Radyo kay Juan Celoso, biktima, suno diri, wala ini kabalo kun ano ang rason kun nga’a ginsumbag ini sang suspek bangud indi man ini ang ginakadlawan kundi ang palagwaon sa TV.
Apang, posible suno diri nga naakig ang suspek sa iya pagkinadlaw bangud may yara sang indi pag-intindihay sa tunga sang mag-asawa.
Ba-se sa panaysayon ni Celoso, nagakinadlaw ang mga ini nga nagalantaw sang kaladlawan nga palagwaon sa telebisyon sa balay sang iya utod kun sa din kaiping lamang sang balay sang suspek.
Ginpahayag sini nga ginsitsitan pa siya ni Deloviar kag ginpamangkot kun ano ang ginakadlawan sini.
Apang, ginsumbag ini sang suspek sang makatatlo ka beses sa baba, nawong kag ulo rason nga nahukas ang tatlo sini ka ngipon.
Sa karon, natalana nga maga-atubangay ang duwa sa lebel sang barangay agud masabat ang amo nga insidente.
