BAGUIO CITY – Pilason ang isa ka 29-anyos nga lalaki nga palaboy, matapos gin-agaw ang pusil sang isa ka pulis kag matiro ang iya kaugalingon sa Baguio City.
Base sa Closed-Circuit Television (CCTV), footage, makit-an ang lalaki nga nagalakat sa dalan pakadto sa Magsaysay Avenue samtang ginasundan sang mga pulis.
Suno sa spokesperson sang Baguio City Police Office, hinali lang nga ginsugata sang lalaki ang pulis samtang nagauyat sang kutsilyo kag gilayon nga ginkuha ang service firearm sang pulis.
Pag-abot sa Lower Magsaysay, ginpalupok sang suspek ang pusil paidalom, apang aksidente nga natiro niya ang iya kaugalingon.
Gilayon naman gindala sa ospital ang lalaki para mahatagan sang nagakadapat nga pagbulong.
Nahibaluan nga ang lalaki ang residente sang Santiago, Isabela, apang indi pa sini matudlo ang iya eksakto nga balay kag kon sin-o ang iya pamilya.
Magapangatubang ang suspek sang kaso nga direct assault kag illegal discharge of firearms.
Bangud sa sini nga insidente, ginpabaskog pa sang kapulisan ang pagbantay sa mga palaboy agud indi na maliwat ang amo nga hitabo.
