Ginpili ni Leandro de Souza gikan sa Brazil nga bag-uhon ang iya kabuhi paagi sa pagkuha sang mga tattoo nga nagatabon sa halos 95% sang iya lawas, lakip na ang iya guya.
Suno kay Leandro, ang pila sa mga tattoo ang may kaangtanan sa iya anay bisyo kag personal nga eksperyensya sa kabuhi.
Sa subong, ginapaidalom na ini sa serye sang laser treatments agud amat-amat nga makuha ang mga tattoo sa iya lawas apisar sang kasakit tuga sang amo nga proseso.
Ginpakigbahin man ni Leandro ang istorya sang iya pagbag-o sa ila simbahan kag subong nagabantala sang pulong sang Dios sa mga simbahan kag mga pampumbliko nga pagtililipon.
Ang iya eksperyensya ang nagaserbe nga inspirasyon nga bisan ano pa ang naagyan sang isa ka tawo sa nagligad, may tsansa pa ini nga magbag-o, magbangon kag mag-umpisa sang bag-o nga kabuhi.
