Lalaki nga responsable sa pagpatay sa chemical chief sang Russia, nadakpan na

Gin-aresto sang mga kapulisan sa Russia ang 29-anyos nga lalaki gikan sa Uzbekistan nga yara sa likod sang pagpatay kay Senior General Igor Kirillov kag assistant sini sa Moscow, Russia.

Wala na ginpaguwa pa sang Russia’s Investigative Committee (SK) ang identity sang suspek kun sa diin ini ang ginapahayag ginbayaran sang Ukrainian special services.

Una na nga gin-ako sang security service sang Ukraine nga SBU nga sila ang yara sa likod sang nasambit nga operasyon.

Matandaan nga napatay si Kirillov matapos nga butangan sang bomba ang iya motorsiklo nga nakaparada sa atubang sang puluy-an sini sa Moscow.

Ang napatay nga Russian general amu ang nagapamuno sang Radiation, Chemical and Biological Protection Forces.