ROXAS CITY – Arestado ang isa ka lalaki matapos ma-implementaran sang warrant of arrest sa Purok 3 Brgy. Aglalana,banwa sang Dumarao.
Ginkilala ang nadakpan nga si Alyas “Pilo” 21-anyos residente sang sitio Calumdom,Brgy. Tiza Roxas City.
Sa impormasyon nga nakuha sang Bombo Radyo Roxas sa Roxas City Police Station, ginapahayag nga nagapangatubang sa kaso nga Statutory Rape si alyas “Pilo”.
Ang warrant of arrest ang gin-isyu kag ginpirmahan ni Acting Presiding Judge Eric Anthony A.Dumpilo, RTC, branch 14, 6th Judicial Region,Roxas City, Capiz nga napetsahan sadtong Abril 19, 2024.
Wala sang ginrekomendar nga piyansa ang korte para sa temporaryo sini nga kahilwayan.
Sa karon, nagapabilin sa kustodiya sang Roxas City PNP ang akusado para sa nagakaigo nga disposisyon.
