ROXAS CITY – Arestado ang 40-anyos nga lalaki matapos ginserbehan sang warrant of arrest sang mga katapo sang Novaliches Police Station sa Brgy. Tandang Sora, Quezon City.
Ginkilala ang arestado kay Jumer Villaruel Bolante, negosyante, tumandok sang Capiz kag nagapuyo sa Brgy. Sauyo Novaliches.
Kaso nga paglapas sa R.A 9262 ukon Anti-Violence against women and their children act of 2004 ang ginapangatubang sang nasambit nga akusado.
Ang nasambit nga warrant of arrest ang gin-isyu kag ginpirmahan ni Hon. Faustino Valenzuela Roxas Jr, Presiding Judge, Branch 14, Sixth Judicial Region, Roxas City, Capiz.
Ginrekomendar sang korte ang P72, 000 kag P36, 000 nga pyansa para sa iya temporaryo nga kahilwayan sini.
Sa karon yara na sa karsel sang Novaliches Police Station si Bolante, kag natalana nga igaturn over sa court of origin.
