Isa ka lalake nga si Damian Wojnilowicz, 36 anyos nga taga Monmouthshire, Wales, nga tuyo kuntani nga imbes mangawat, apang nanglimpyo nalang ini.
Suno sa report, nagsulod ini si Damian sa iya kawatan nga balay sang nakit-an niya nga may nilabhan ang tag-iya, ginlabhan niya ini kag ginkaayo pa.
Dugang pagid, ginpakaon niya ang mga sapat sang tag-iya, ginhaboy ang mga basura, ginbutang isa isa ang grocery sang tag-iya sa ref, gin limpyuhan ang salog kag ang makahalam-ot nagluto pa gid ini.
Suno sini, nakibot ang tag-iya nga naglimpyo ang balay sini kag pag tan-aw niya sang CCTV nakit-an niya si Damian kag gin-report niya ini sa kapulisan.
Ginpasakaan niya sang kaso si Damian nga burglary kag guilty maskin wala niya nakit-an nga may ginkawat bangud nahadlok siya.
Nahibaluan man nga si Damian isa ka palaboy kag napriso na bangud sa common assault, public order offense kag failure to surrender.
Apang, wala nagpangayo sang pasaylo si Damian sa biktima, rason nga ginpriso ini sang 22 ka bulan.
