Lalaki nga wala ginpasugtan makagamit sang CR, nag-ihi sa kilid sang entrance building sang city hall

ROXAS CITY – Nag-viral sa facebook ang isa ka lalaki nga nagpangihi saedipisyo nga  entrance sang city hall sa bisperas sang Sinadya sa Pyesta DeLa Immaculada Concepcion sa Roxas City.

Ginabulubanta nga yara sa 45-50 anyos ang edad sang nasambit nga lalaki nga suno sa isa ka netizen nga nag-upload sang video, indi hubog ang lalaki sang himoon ini.

Nahibaluan nga naglisensiya ang lalaki sa security guard nga magamit sang CR bangud maihi na ini, apang wala nagpasugot ang sekyu bangud sarado na ang city hall.

Bangud sa ginsabat sang guwardiya kag posible indi na sini mapunggan ang kailihi-on, gilayon ini nga nagpalapit sa entrance sang city hall kag nag-ihi nga ginkakibot sang yara sa palibot.