Lalaki nga wala makabayad sang iya bill sa isa ka beerhouse sa Barangay Banica, ginpahunong sa karsel

ROXAS CITY – Nagapabilin nga nakahunong sa karsel sang Roxas City Police Station ang isa ka lalaki matapos nga napaslawan ini nga magbayad sang iya nga bill sa isa ka beerhouse sa Barangay Banica, Roxas City.

Ginkilala ang arestado kay Ramil Espinosa, residente sang Barangay Mainit, Cuartero, Capiz.

Mahibaluan nga nag-inom sa isa ka beerhouse sa amo nga lugar si Espinosa kaupod ang isa sini ka abyan kun sa diin nag-table pa ang mga ini sang duha ka mga babaye.

Apang sang ginsukot na sang iya nga bill, napaslawan nga makabayad si Espinosa rason nga ginpahunong ini sa karsel.