Lalaki nga wala nagasuksok sang face mask kag nagbatu sa mga pulis gindakup kag ginpreso

ROXAS CITY – Karsel ang ginsudlan sang 42-anyos nga lalaki matapos nga nakit-an nga nagalakat sa dalanon nga wala nagasuksok sang face mask sa Poblacion Sur, Ivisan, Capiz.

Nasiplatan sang naga-roving nga mga pulis si Dante Suante nga nagalakat nga wala nagasuksok sang face mask gani ini ang ginsita apang pabalang sini nga ginsabat ang mga pulis kasunod ang pagrason nga nagasakit ang ngipon.

Bangud sa nangin aktwasyon ni Suante gindakup ini sang kapulisan kag natalana nga pasakaan sang panumbungon nga resistance and disobedience to authority.