Lalaki nga wanted sa kaso nga Attempted Murder, arestado matapos ang 12 ka tuig nga pagpanago

ROXAS CITY – Arestado ang isa ka wanted nga persona nga 12 ka tuig na nga nagapanago matapos ginserbihan sang warrant of arrest sang mga katapo sang Roxas City Police Station, Panay Municipal Police Station kag Capiz Police Provincial Office sa Barangay Poblacion Ilaya, Panay, Capiz.

Ginkilala ang naaresto nga si Antonio Abuyot Jr., 29 anyos kag residente sang nasambit man nga lugar nga akusado sa karo nga Attempted Murder.

Ang warrant of arrest batuk sa akusado ang gin-isyu kag ginpapanaog ni Judge Yolanda Dagadan kun sa diin ginrekomendar sang korte ang P120, 000 nga piyansa para sa temporaryo sini nga kahilwayan.