Lalaki nga wanted sa kaso nga robbery, boluntaryo nga nagsungka sa mga kapulisan

ROXAS CITY – Boluntaryo nga nagsungka ang isa ka wanted person nga nagapangatubang sang kaso nga robbery sa Roxas City PNP.

Ginkilala ini kay si Butch Santa Ana, 32-anyos kag residente sang Sitio Pinaypayan, Barangay Lanot, Roxas City.

Gin-isyu kag ginpirmahan ni Judge Alma Nonato Banias-Delfin sang RTC, Branch 15, Roxas City ang mandamiento de aresto sang akusado.

Naglab-ot sa P36,000 ang pyansa nga ginrekomendar sang korte para sa iya temporaryo nga kahilwayan.