Lalaki nga wanted sa kaso nga Statutory Rape, dakop sa banwa sang President Roxas

PRESIDENT ROXAS, CAPIZ – Arestado ang isa ka wanted nga persona matapos ginserbihan sang warrant of arrest sang mga kapulisan sa Barangay Pantalan, President Roxas, Capiz.

Ginkilala ang naaresto nga si Fernando Castillon, residente sang Barangay Poblacion Tabuc, banwa sang Mambusao nga akusado sa kaso nga Statutory Rape.

Ang warrant of arrest batuk sa akusado ang ginpapanaog kag gin-isyu ni Judge Rommel Leonor sang Regional Trial Court, 6^th Judicial Region, Branch 31, Mambusao, Capiz.

Sa karon nakahunong na sa karsel sang Mambusao Municipal Police Station ang nasambit nga akusado.