Lalaki nga yara sa guwa sang balay, ginbuno sa liog

ROXAS CITY – Pilason nga ginpadangat sa ospital ang isa ka lalaki nga ginbuno sang wala makilala nga suspek sa Barangay Punta Tabuc, Roxas City.

Pilas sa liog ang naangkon sang biktima nga si Elmer Cam.

Ginpahayag ni Sonny del Castillo, nagdul-ong sa biktima sa ospital nga yara sa guwa sang balay ang biktima, sang may nag-agi nga lalaki kag sa wala mahibaluan nga rason, hinali ini nga ginbuno sa liog.

Gilayon nga nagpalagyo ang suspek sa wala mahibaluan nga direksyon.

Sa karon padayun ang imbestigasyon sang pulisya agud matumod ang suspek.