ROXAS CITY – Patay ang 20-anyos nga lalaki matapos bumunggo ang ginamaneho sini nga motorsiklo sa Barangay Bunga, banwa sang Mambusao.
Ginkilala ang biktima kay John Mark Guardante, kag residente sang nasambitan nga lugar.
Sandig sa imbestigasyon sang Mambusao MPS, samtang ginasubay sang amo nga driver ang dalanon sakay sa Rusi nga motorsiklo ginapahayag nga pag-abot sa kurbadahon nga porsyon sang dalan nakasugata sini ang Toyota Hilux nga salakyan nga ginamaneho ni Renanti Olanga, residente sang Barangay Jaena Norte, banwa sang Jamindan.
Ginaalegar nga nang-agaw sang linya si Guardante rason nga bumunggo ini sa salakyan.
Ginpadangat sa Mambusao District Hospital ang driver, apang gindeklarar nga dead on arrival.
Sa karon yara na sa kustodiya sang Mambusao MPS ang motorsiklo kag salakyan para sa nagakaigo nga disposisyon.
