Ginbawian sang kabuhi ang isa ka lalaki nga ginaalegar nalumos sa Sitio San Juan, Barangay Baybay, Roxas City.
Ang biktima amo si alyas Anthony ,40-anyos kag residente sang nasambit nga lugar,
Sa interview sang Bombo Radyo kay Punong Barangay Erwin Oroceo, iya ginpahayag nga gintinguhaan pa nga masalbar ang kabuhi sang biktima apang gindeklara ini nga dead on arrival.
Suno kay Oroceo, ginaalegar naga isahanon lamang nga nagapaligo ang biktima sa manabaw nga bahin sang dagat sang una ini nga nakit-an sang isa man nga nagapaligo sa amo nga lugar.
Pahayag pa niya, isa ka Person With Disability (PWD) ang biktima kag halin ginapahayag nga nagakatumba ini kon kaisa, nga posible isa sa mga ginakonsiderar nga rason sa natabo nga insidente.
Padayon naman ang imbestigasyon sang mga otoridad agud matumod ang natabo sa kamatayon sang biktima.
