IVISAN CAPIZ – Patay ang isa ka lalaki samtang nagatabuk sa dalan kadungan sa pagsug-alaw sang Bag-ong Tuig sa Barangay Ilaya, Ivisan Capiz.
sa interview sang Bombo Radyo kay Punong Barangay Cecelia Almodiente sang nasambit nga lugar, ginpahayag sini nga ginkilala ang biktima kay alyas “Intsik” samtang ang ginatudlo suspek pangayaw sa ila nga lugar.
Suno kay PB Almodiente samtang nagakinasadya ang kadam-an may nagreport sa iya nga may nagluntad nga insidente sa ila lugar nga gilayon man nila ini ginpadulungan.
Mahibaluan nga wala sang headlight ang motorsiklo sang suspek kag madasig ang pagpadalagan kabangdanan nga wala ini nadiparahan sang biktima samtang nagatabok sa dalan.
Bangud sa makusog nga impact, nag-angkon sang patal nga pilas sa ulo ang biktima kabangdanan sang iya gulpi sini nga kamatayon.
