Lalaki, patay matapos ginbuno kag ginbungguan sang iya kalapit-balay

Patay ang isa ka lalaki matapos ginbuno kag ginbungguan sang iya nakaaway nga kalapit-balay sa Bayawan, Negros Oriental.

Sandig sa imbestigasyon sang kapulisan,antes pa man ang insidente, may nagluntad na nga pagbinaisay sa tunga sang duha.

Suno sa suspek,una siya nga ginpahog nga pagapatyon sang biktima.

Gani,gin-unahan ini sang suspek pamaagi sa pagbunggo kag pagbuno.

Naka-angkon sang patal nga pilas sa dughan ang biktima rason nga gindeklara ini nga dead on arrival sa ospital.

Sa subong, yara na nakahunong sa presohan ang suspek kag magapangatubang sang kaso nga murder.