Patay ang isa ka lalaki matapos ini ginluthang sa Jetty Port sa Barangay Pook, Kalibo, Aklan.
Ang biktima amo si alyas Jonathan, 34-anyos nga ginaalegar nga may depenrensya sa paminsaron kag residente sang banwa sang Tapaz Capiz.
Samtang ang suspek naman amo si alyas Joanard, 47-anyos, nga residente sang Brgy. Pook Kalibo Aklan.
Sa interview sang Bombo Radyo kay Police Lieutenant Colonel Jerick Vargas, Chief of Police sang Kalibo Municipal Police Station, iya ginpahayag nga antes sa pagpaluthang nga natabo imbolbado ang biktima sa paglagas sa grupo sang mga kabatan nga bitbit sini ang itak.
Suno kay Vargas, posible ang suspek ang isa sa grupo sang mga kabatan nga hana sini nga pagalab-on rason nga naakig ini kag ginluthang ang biktima.
Samtang, na-aresto naman ang suspetsado matapos ang ginpatigayon nga hot pursuit operation sang kapulisan kag narekober sa paghinakop sini ang isa ka caliber 45 pistol nga armas nga gingamit sa pagpangluthang.
