ROXAS CITY – Patay ang isa ka lalaki matapos pulihan sang buno sang magtiyo sa peryahan sa Barangay Cabugao Oeste, Panay, Capiz.
Nag-angkon sang pito ka mga pilas sa dughan kag lawas ang biktima nga si Jomar Bolvider sang nasambit nga lugar.
Suno kay PO2 Marlon Arbacan, imbestigador sang Panay PNP yara sa perya ang magtiyo nga suspek nga sanday Russel Dolfo 28-anyos kag Roger Baguioro 47-anyos sang Barangay Lus-onan, Panay kaupod ang wala pa makilala nga lalaki sang mag-initay ang mga ini kag ang utod sang biktima nga nagatrabaho sa peryahan.
Nakadalagan pa ang utod sang biktima sang magsugod ang rambol apang dimalas nga ginpulihan buno sang magtiyo ang biktima kaupod ang isa ka John Doe si Bolvider.
Apang gindala sa ospital ang isa ka suspek nga si Dolfo matapos nag-angkon sang pilas samtang ang tiyo sini nga si Baguioro ang nakahunong na sa bilangguan.
Padayun sa karon ang imbestigasyon sang pulisya sa krimen kag nagpatigayon naman sang follow-up operation para madakpan ang isa pa ka upod sang magtiyo nga suspek.
