Patay ang 48-anyos nga lalaki matapos brutal nga ginbuno kag ginluthang sang mag-amay sa Tondo, Manila.
Makita sa CCTV footage gikan sa Barangay 105 ang mga residente nga nagabuligay sa pagdala sang duguon nga lalaki padulong sa ospital sakay sa traysikol sang Lunes.
Sa isa pa gid ka CCTV footage, makitan ang biktima nga nagahampang sa isa ka computer shop sang hinali nga nag-abot ang duha ka lalaki.
Pagligad sang pila ka minuto, ginluthang nila ang biktima nga nakadalagan apang na-corner kag ginbuno sang mga suspetsado.
Sa isa pa ka video, mabatian nga nagapakit-luoy ang biktima apang ginabuno sa gihapon sang makapila ka beses kag gintuyo nga tiruhon sang duha, nga ginkilala sang kapulisan nga mag-amay nga si alyas “Jeffrey” kag ang ila bata nga si alyas “Jefferson.”
Gilayon naman nga gindala sa ospital ang biktima apang gindeklara nga dead on arrival.
Padayon ang backtracking sang kapulisan agud madakpan ang mga suspetsado.
