Lalaki patay matapos ginsanggit sang ceres bus ang ginamaneho sini nga tricycle

ROXAS CITY – Patay ang isa ka tricycle driver sa natabo nga aksidente sa dalanon sa Barangay Atiplo, Mambusao, Capiz.

Ginkilala ang biktima nga si Ananias Madamba Bacalangco Jr., 51 anyos kag residente sang Sunshine, Poblacion Norte, Sigma, Capiz.

Base sa inisyal nga imbestigasyon sang Mambusao Municipal Police Station, samtang ginasubay sang biktima ang nasambit nga lugar sakay sa iya nga tricycle, aksidente ini nga nasanggit sang ceres bus nga ginamaneho ni Rosario Cahayag, 58 anyos kasunod sang paglapaw sa linya sang iya ginamaneho nga salakyan.

Gilayon nga gindala sa ospital ang biktima agud madapatan sang nagakaigo nga pagbulong apang ginbawian man ini sang iya kabuhi.