Patay ang isa ka lalaki nga ginaalegar police asset matapos ginsaputi kag ginbuno sang mga stepbrother sang iya nga nobya sa Cagayan de Oro City.
Nakuhaan sang video ang ginhimo nga pagsaputi sang mga suspek sa biktima sa Lower Tambo sa Barangay Macasandig.
Gindala pa ang biktima sa ospital nga nag-angkon sang 22 ka buno apang gindeklara nga dead on arrival.
Suno sa kapulisan, ginpatawag sang mga suspek ang biktima agud hulamon ang iya nga motorsiklo.
Gilayon nga nagpatigayon sang pursuit operation ang mga pulis kag nadakpan ang isa ka 19 anyos nga suspek samtang padayon naman nga ginapangita ang duha.
Pahayag sang kapulisan, akig ang mga suspek sa biktima bangud nagadumdom nga siya ang rason sang pagkadakop sang ila amay nga involve sa illegal nga droga.
