DUMARAO, CAPIZ – Patay ang isa ka lalaki matapos luthangon sa Barangay Janguslob, Dumarao, Capiz.
Nag-angkon sang tatlo ka mga pilas sa lawas ang biktima nga si Pascual Tizon Jr., sang gintiro sang suspek nga si Jelly Billones residente sang Janiuay, Iloilo.
Sandig sa imbestigasyon sang Dumarao PNP, nagkadto sa Barangay Jaguslob, Dumarao ang suspek kag nag-estorya sila sang biktima, angut sa ginbaligya nga duta sang utod sang biktima.
Apang nakaangkon sila sang pagbais-bais tobtob ginaalegar ginluthang ni Billones si Tizon.
Gindala pa sa Senator Gerardo Roxas Memorial District Hospital ang biktima, apang gindeklara ini nga dead on arrival sang doktor.
Ginatan-aw nga away sa duta ang motibo sa krimen.
Samtang nagapabilin ngba at-large ang suspek nga madasig nga nagpalagyo matapos makomiter ang krimen.
