ROXAS CITY – Patay ang lalaki, matapos ginapahayag nga na-aksidente samtang nagamaneho sang motorsiklo sa Pueblo de Panay Barangay Lawaan, Roxs City.
Ang wala pa makilan-an nga biktima ang nagasuksok sang itom nga jersey kag asul nga short.
Sa impormasyon nga nakuha sang Bombo Radyo nagikan sa Roxas City PNP, ginapahayg nga samtang ginasubay sini ang dalan nagikan sa Roxas City Proper kag padulong kun tani sa Barangay Balijuagan, sining syudad sakay sang iya Suzuki Smash nga motorsiklo nga nagaduag pula ginaalegar nga pag-abot sa lugar kung sa diin ginluntaran sang aksidente bumunggo ang biktima sa concrete center island sang dalan rason sang iya pagkatumba.
Bangud sini, nag-angkon sang patal nga pilas sa iya magkatuhay nga parte sang iya lawas.
Gilayon man ini nga ginrespondihan sang katapo sang Roxas City Emergency Response Team (RCERT) agud dapatan sang pauna nga pagbulong antes ginpadangat sa Roxas Memorial Provincial Hospital para sa nagkaigo nga pagbulong apang gindeklarar ini nga dead on arrival sang doctor.
Sa karun, yara na ang motorsiklo sa paghinakop sang Roxas City PNP para sa nagkaigo nga disposisyon.
