Patay ang isa ka lalaki matapos bumunggo ang ginamaneho nga motorsiklo sa steel barrier sa may bahin sang Barangay Cogon, Panitan Capiz.
Ginkilala ang biktima kay alyas “Jasper” 22-anyos lalaki laborer residente sang Barangay Tincupon Panitan Capiz.
Sa nakuha nga impormasyon sang Bombo Radyo sa Panitan MPS, ginpahayag sini nga ginasubay ni alyas “Jasper” ang dalanon sa nasambit nga lugar halin sa Barangay Bailan, Pontevedra Capiz padulong sa ila nga puluy-an hinali ini nga bumungo sa steel barrier sa under construction nga dalan sa lugar.
Madasig naman ini nga ginrespondihan sang mga katapo sang Panitan MDRRMO kag gindapatan sang pauna nga pagbulong antes ini ginpadangat sa pinakamalapit nga ospital apang gindeklarar ini nga dead on arrival sang doktor nga nag-atendar bangud sa naangkon nga pilas sa ulo.
Sa karon, padayon pa ang imbestigasyon sang mga kapulisan angut sa insidente.
