Lalaki, patay matapos maluthangan sa banwa sang Tapaz

Ginbawian sang hulam nga kabuhi ang isa ka lalaki matapos nga ginluthang patay sa Barangay Artuz, Tapaz, Capiz.

Ang biktima amo si alyas “Bitoy” 22-anyos kag residente sa amu man nga lugar.

Sa nakuha nga impormasyon sang Bombo Radyo, ginpahayag nga hinali nalang nga gintiro sang suspek ang biktima rason nga nag-angkon ini sang pilas sa dughan

Mahibaluan nga may nagluntad nga indi pag-intindihanay sa magtimbang nga bahin kag yara sa impluwensya sang makahulobog nga ilimnon.

Sa karon, padayon ang imbestigasyon sang kapulisan angut sa insidente samtang nagapabilin nga at large ang nasambit nga suspetsado.