-- ADVERTISEMENT --
ROXAS CITY – Ginbawian sang kabuhi samtang ginabulong sa ospital ang isa ka lalaki matapos na-aksidente ang ginamaneho nga motorsiklo sa atubang sang isa ka convenient store sa Poblacion Sur, Sigma, Capiz.
Ginkilala ang biktima kay John Iver Gomez 22-anyos sang Barangay Matagnop, Dao, Capiz nga nag-angkon sang pilas sa ulo.
Ba-se sa report nga samtang ginasubay sang biktima ang dalanon sakay sa motorsiklo sa banwa sang Dao kag magapadulong kuntani sa banwa sang Jamindan hinali na lamang nga natumba ang motor matapos nadulaan sang kontrol ang behikulo.
Nagaguwa sa imbestigasyon sang kapulisan nga yara sa impluwensiya sang makahulubog nga ilimnon ang biktima sang nagluntad ang insedente.
