Patay ang isa ka Lalaki matapos makuryente sa Barangay Basiao, Ivisan, Capiz.
Ang biktima amo si alyas “Ronel” isa ka mangingisda kag residente sang nasambit nga barangay.
Sa interview sang Bombo Radyo kay Police Captain Rile Villariez, Hepe sang Ivisan Municipal Police Station, iya ginpahayag nga nagpalapit ang biktima sa may nagaubra sang fish trap ukon arong kag hinali nalang nga ginhukla ang extension nga basa ang iya nga Jacket rason nga nakuryente ini.
Suno kay Villariez, wala man ginsugo sang tag-iya ang biktima nga magbulig ukon magpalapit sa nasambit nga fish trap ukon arong.
Gilayon man gindala ang biktima sa Capiz Emmanuel Hospital apang gindeklara ini nga dead on arrival.
Nagpanawagan man ang natungdan sa publiko nga likawan ang paghawid sa mga nakasaksak nga kuryente kon basa ang lawas agud malikawan ang nasambit nga insidente.
