Patay ang isa ka lalaki matapos nalumos sa baybayon sang Barangay Basiao, Ivisan, Capiz.
Ang biktima amo si alyas “Jer”, 18-anyos residente sang Barangay Balacuan, Sigma, Capiz.
Sa interview sang Bombo Radyo kay Police Captain Rile F. Villariez Jr., Officer-in-Charge sang Ivisan Municipal Police Station, iya ginpahayag nga nag-inum-inum ang biktima kaupod ang iya mga abyan antes ini nagdesisyon nga maligo sa dagat nga nagaisahanon.
Suno kay Villariez, nagpangayo pa sang bulig ang biktima sa iya mga kaupdanan apang tungod sa kabaskog sang daludo sang tubig, wala na ini natabangan.
Gilayon nga gindala sa ospital ang biktima apang gindeklar nga dead on arrival.
Nagpanugyan man ang kapulisan sa publiko nga likawan ang pagpaligo sa dagat kon yara sa impluwensya sang makahulubog nga ilimnon.
