Wala na sang kabuhi sang nasapwan ang isa ka lalaki sa uyapad nga sakup sang Barangay. Ilaya, Ivisan Capiz.
Ginkilala ang biktima kay alyas Ronie, 29 anyos, residente sang nasambit nga lugar.
Sa impormasyon nga nagikan sa Ivisan MPS, ginpahayag nga nakita na lamang sang isa ka pumuluyo sa lugar ang biktima nga nagalutaw kag nagakulob sa uyapad.
Gilayon naman nga nagpangayo sang bulig ang nakakita nga pumuluyo sa mga otoridad.
Ginkumpirmar naman sang pamilya ang pagkakilanlan sang biktima matapos nga nagpadulong sa lugar ang utod sini.
Natalana naman nga ipadalum sa post mortem examination ang bangkay sang biktima agud mahibaluan ang rason sang iya nga kamatayon.
Sa karun yara na sa isa ka purenarya sa banwa sang Ivisan kag nagapadayun pa ang imbestigasyon sa nasambit nga insidente.
