ROXAS CITY-Patay ang 28-anyos nga mister matapos nga aksidente nga bumunggo ang ginamaneho nga motorsiklo sa concrete barrier sa Barangay Ilaya-ivisan, Ivisan Capiz.
Ginkilala ang napatay nga si Boy Sorallo, residente sang Barangay Malocloc Sur sang nasambit nga banwa.
Sandig sa inisyal nga imbestigasyon sang Ivisan Municipal Police nagaguwa nga samtang ginasubay sang biktima ang dalan sakay sa iya nga motorsiklo, aksidente sini nga nabungguan ang nasambit nga concrete barrier.
Nasapwan na gid lamang sang mga nagrespondi nga mga barangay tanod ang biktima nga nagahuray-ad na lang sa dalan.
Nakaangkon sang patal nga pilas sa ulo ang biktima nga gindala sa Capiz Doctors Hospital apang gindeklarar nga dead on arrival.
Sa karon nagapadayon pa ang imbestigasyon sang mga kapulisan natuhoy natabo nga insidente.
