Lalaki patay matapos nga maaksidente sa motorsiklo nga ginsakyan sa banwa sang Jamindan

ROXAS CITY -Patay ang 28-anyos nga lalaki matapos nga na-aksidente sa ginasakyan nga motorsiklo sa Barangay Agambulong, Jamindan, Capiz.

Ginkilala ang biktima kay Danrich Villeza, residente sang Barangay Guintas sang nasambit nga banwa.

Sandig sa imbestigasyon sang Jamindan Municipal Police Station nga nagapauli na ang biktima sang ginamaneho ang iya nga motorsiklo sang hinali na lamang nga nadulaan sang kontrol sa manubela sa kurbadahon nga porsyon sang karsada.

Nag-angkon naman sang Pilas sa magkatuhay nga porsyon sa kalawasan ang biktima nga gindala sa ospital apang gindeklarar nga dead on arrival.

Mahibaluan sa dugang nga imbestigasyon sang mga kapulisan, nga yara sa idalom sang impluwensiya sang makahulubog nga ilimnon ang biktima.