ROXAS CITY – Patay ang 28-anyos nga lalaki matapos ginluthang sa banwa sang Dumarao, Capiz.
Nag-angkon sang samad sa kilid sang lawas ang biktima nga si Jose Iturriaga matapos nga tiruhon ni Vincent Maxian Sitio Tacay, Astorga, Dumarao, Capiz.
Ba-se sa inisyal nga imbestigasyon sang Dumarao Municipal Police Station nga nagsugat-anay ang duha kag nakaangkon sang mainit nga diskusyon.
Sa wala ginalauman ginbuno sang biktima ang suspek sa natuo nga abaga nga nagbalos pinaagi sa pagkuha sang nakasukbit nga armas kasunod sang pagtiro kay Iturriaga.
Gindala pa sa isa ka klinika sa Barangay Astorga ang biktima, apang gindeklarar nga dead on arrival.
Ginpadangat man sa ospital ang suspek bangud sa naangkon nga pilas.
Samtang ginkumpirma naman ni Punong barangay Remuel Dario nga madugay na nga may daan nga hiligut-anon ang duha antes pa man nagluntad ang krimen.
