Patay ang suspek matapos nga nagluntad ang shooting incident sa Sitio Katan-Angan, Barangay East Villa Flores, Maayon, Capiz.
Ang napatay nga suspek amo si alyas Noriel 47-anyos isa ka mangunguma kag residente sang East Villa Flores Maayon Capiz.
Samtang ang mga biktima amo sanday alyas Kerwin, 28-anyos, kag live-in partner sini nga si alyas Aravilla nga lunsay residente sang nasambit nga barangay.
Sandig sa report sang Maayon Municipal Police station, nagakatulog ang biktima sa balay sang iloy sang iya nga live-in partner sang hinali na lang nga ginwasak ang likod sang ila sini nga pertahan kag nagsulod ang suspek.
Didto gintiro sang suspek si alyas Noriel kag naigo sa iya sini tuo nga abaga.
Apang sang naagaw sang biktima ang nakaptan sini nga nga calibre 45 didto na nga naigo sa ulo ang suspek nga gintunaan sang iya kamatayon.
Gindala naman sa ospital ang mga biktima para sa nagakaigo nga pagbulong.
Ginalantaw naman sang mga kapulisan nga posible personal nga hiligot-anon ang rason sa nagluntad nga pagpangluthang.
Sa subong, padayon pa ang imbestigasyon sang Maayon Municipal Police Station sa nasambit nga shooting incident.
