ROXAS CITY – Pilas sa ulo kag tuhod ang naangkon sang 20-anyos nga lalaki matapos bumunggo ang ginamaneho nga motorsiklo sa isa ka salakyan takna 10:45 sa aga sa Arnaldo Boulevard Barangay Baybay syudad sang Roxas.
Ginkilala ang napilasan kay John Carl Gallardo, residente sang Brgy, Centro, banwa sang Dao.
Samtang, ang driver sang salakyan ang ginkilala kay Archie Astida, 47-anyos kag residente sang Brgy. Agkilo, Panitan, Capiz.
Sa impormasyon nga nakuha sang Bombo Radyo, ginapahayag nga madasig ang pagpadalagan sang Raider 150 nga motorsiklo nga ginamaneho ni Gallardo rason nga bumunggo ini sa nagapaliko nga Hyundai Close Jeep nga salakyan.
Gilayon naman nga ginrespondehan sang mga katapo sang Capiz Emergency Response Team (CERT) ang aksidente kag gindapatan sang pagbulong si Gallardo apang, nagpamalibad ini nga ipadangat sa ospital.
Samtang, may yara na sang initial nga settlement sa tunga sang magtimbang nga bahin.
