Lalaki pilason matapos bumunggo ang ginamaneho nga motorsiklo sa pick-up nga salakyan sa Barangay Baybay

ROXAS CITY – Pilason ang isa ka lalaki matapos nga nagbunggo ang ginamaneho sini nga motorsiklo sa isa ka ford-ranger pick-up sa Sitio Lawis, Barangay Baybay, Roxas City.

Ginkilala ang napilasan nga si John Michael Fernando, 23 anyos, residente man sang nasambit nga lugar.

Suno kay Quirico Hiponia Jr., 58 anyos sang Barangay Inzo Arnaldo, driver sang pick-up, maga-u-turn kuntani ini sang bumunggo sa unahan nga porsyon sang salakyan ang motorsiklo nga ginamaneho ni Fernando.

Ginapahayag pa nga madasig ang pagpadalagan ni Fernando sang iya nga motorsiklo.

Nawasak ang unahan nga porsyon sang nasambit nga salakyan.

Nag-angkon naman sang magkatuhay nga samad sa lawas si Fernando matapos nga ini ang tumampilak sa dalan.