Lalaki, pilason matapos bumunggo sa gate ang ginamaneho nga motorsiklo sa banwa sang Mambusao

Pilas ang naangkon sang isa ka lalaki matapos bumunggo ang ginamaneho sini nga motorsiklo sa isa ka gate sa banwa sang Mambusao.

Sa nakuha nga impormasyon sang Bombo Radyo nagikan sa Mambusao PNP, ginkilala ang lalaki kay certain Diego, 25-anyos kag residente sang Brgy. Linambasan, banwa sang Jamindan.

Suno sa mga kapulisan, bumunggo ang motorsiklo nga ginamaneho sang biktima sa isa ka gate sa Barangay Bula, Mambusao, Capiz.

Nahibaluan nga yara sa impluwensya sang makahulubog nga ilimnon ang amo nga biktima,  rason sang pgkabunggo sini nga nagresulta sa pag-angkon sang minor nga pilas sa lawas kag pagkalipong.

Gilayon naman ini nga ginrespondehan sang BFP Mambusao kag ginpadangat sa ospital para sa nagakaigo nga pagbulong.