ROXAS CITY – Pilason ang isa ka lalaki matapos mabun-an sa Brgy. Mianay, Ivisan, Capiz kahapon Agosto 6 takna ala 1:00 sang kaaganhon.
Base sa impormasyon nga nagikan sa Ivisan Municipal Police Station ginkilala ang biktima kay Romel Vargaz, 25-anyos kag residente sang Brgy. Mianay, sa amu nga banwa.
Samtang ang ginatudlo suspek isa ka menor de edad nga lalaki kag residente sang Brgy. Ondoy, banwa sang Ivisan.
Ginpahayag nga nakita sang biktima ang suspetsado nga naga istorya sa iya minor de edad nga nobya, kabangdanan sang iya pagpapangimon rason nga ginpatup-an sini sang iya inumol ang suspetsado apang nagbalos ini kag hinali nga ginbuno ang biktima.
Bangud sini, nag-angkon sang pilas sa tyan kag wala nga bahin sang iya dughan si Vargas nga madasig naman ginpadangat sa Roxas Memorial Provincial Hospital para sa nagakaigo nga pagbulong kag sa karun yara na ini sa istable nga kondisyon.
Selos ukon pagpangimon ang ginatan-aw nga motibo sa natabo nga pagpangbuno.
Smatng boluntaryo naman nga nagsurender ang suspek kag yara na ini karun sa kautodiya sang Ivisan Municipal Police Station para sa nagakaigo nga disposisyon.
