Pilason ang isa ka lalaki matapos ginbuno sa Barangay Nagba, Cuartero, Capiz.
Ang biktima amo kay alyas Vincent, samtang ang suspek amo si alyas Berto nga lunsay residente sang nasambit nga barangay.
Sa interview sang Bombo Radyo kay Police Captain Jessie Lepaña, officer-in-charge sang Cuartero Municipal Police Station, iya ginpahayag nga nagkadto ang biktima sa balay sang suspek kag nagpanghangkat sang away.
Apang wala ini ginsapak sang suspek, gani naglakat ang biktima kag nagpadulong sa tindahan malapit sa lugar.
Suno jay Lepaña, lipod sa ihibalo sang biktima nga ginsundan sang ini sang suspek kag ginbuno gamit ang isa ka binangon.
Pila sa lawas ang naangkon sang biktima kag gilayon nga gindala sa ospital agud mahatagan sang nagakaigo nga pagbulong samtang padayon ang imbestigasyon sang mga kapulisan sa insidente.
