Pilason ang isa ka lalaki matapos ginbuno sa Sitio Pili, Barangay Dinginan, Roxas City, Capiz.
Ang biktima amo si alyas “Jem,” samtang ang suspek amo si alyas “Jose,” nga lunsay residente sang nasambit nga lugar.
Sa interview sang Bombo Radyo Roxas kay Police Lieutenant Colonel Rogelio L. Tomagtang Jr., iya ginpahayag ng0a base sa inisyal nga imbestigasyon, naga-inom sang makahulubog nga ilimnon ang biktima kaupod ang iya mga himata sang hinali nga nag-abot ang suspek.
Diri na kag may yara sang komosyon nga natabo sa magtimbang nga bahin nga nagresulta sa pagbuno sa biktima.
Gilayon naman nga gindala sa ospital ang biktima para mahatagan sang nagakaigo nga pagbulong.
Samtang, detained na ang suspek sa Roxas City Police Station para sa nagakaigo nga disposisyon.
