ROXAS CITY – Pilason ang isa ka lalaki matapos ginlabo sang ginalegar nga may sakit sa paminsaron sa Barangay Taganghin, Tapaz, Capiz.
Ginkilala ang biktima kay alyas Totong, 47-anyos, samtang ang suspek ang ginkilala kay alyas Berto, 30-anyos nga lunsay residente sang nasambit nga lugar.
Sa nakuha nga impormasyon sang Bombo Radyo nagikan sa Tapaz MPS ginapahayag nga samtang ginasubay sang biktima ang dalan sang nasambit nga barangay kaupod ang iya duha ka bata kag isa ka gumangkon pakadto kuntani sa suba para manguha kagang sang hinali sila gin-ambangan sa dalan kag gulpi nalang ginlabo sang suspek.
Ginaalegar nga ang suspek ang nagasuprehir sang balatian sa paminsaron.
Maswerte naman nga nakapalagyo ang mga bata sang biktima sa lugar sang insidente, rason nga madasig nakapangayo sang bulig sa lugar.
Nag-angkon sang pilas sa iya ulo kag nawala nga kamot ang biktima nga madasig naman ginrespondihan sang iya mga himata agud gilayon nga madala sa malapit nga ospital para sa nagakaigo nga pagbulong.
Sa karon, yara na sa istabli ang kondisyon sang biktima.
