Lalaki, pilason matapos ginlabo sa banwa sang Tapaz, Capiz

Pilason ang isa ka lalaki matpos ginlabo sa banwa sang Tapaz, Capiz

Ang biktima amo si alyas Mic, 24 anyos samtang ang suspek amo si alyas Padoy, 44 anyos, nga lunsay residente sang Barangay Poblacion, Tapaz, Capiz.

Sandig sa impormasyon nga nakuha sang Bombo Radyo sa Tapaz Municipal Police Station, ginpahayag nga updanay inom ang biktima kag ang suspek, sang hinali lang ginlabo sang suspek ang biktima nga nakaangkon sang nagakalain-lain nga pilas sa iya sini nga lawas.

Madasig naman nga gindala sa ospital ang biktima para dapatan sang nagakaigo nga pagbulong.

Gilayon man nga nadakpan ang suspek nga yara na subong sa paghinakop sang Tapaz Municipal Police Station para sa nagakaigo nga disposisyon.