Pilason ang isa ka lalaki matapos ginlagas kag ginlabo sang iya kumpare sini bangud sa pagpangimon sa Tondo, Manila.
Antes ang pag-atake, makaduha ka beses nga nagbalik ang suspek sa biktima kag ginpahog.
Nagpauli ang suspek sa ila balay. Sang ginkadtuan sang mga pulis ang iya balay, wala nagasabat ang suspek kag naka-lock ang gate sang balay.
Sa isa naman ka kuha sang CCTV, makita ang suspek nga nagaguwa sa ila balay dala ang iya binangon. Sang ulihi, bug-os niya nga gin-atake ang biktima.
Gilayon man nga gindala sa Ospital ang biktima.
Suno naman sa pihak nga barangay nga gina-istaran sang suspek, antes ang insidente, ginreport sa ila sang iya asawa nga nag-inom pa ang suspek antes ini ginkastigo.
Padayon ang follow-up operation sang kapulisan agud madakpan ang suspek nga nagapangatubang sang reklamo nga frustrated murder.
