Pilason ang isa ka lalaki matapos ginluthang sa Sitio Puntod, Brgy. Dinginan, Roxas City, Capiz.
Ang biktima amo si alyas Eric, 36-anyos samtang ang ginatudlo suspek amo si alyas Rey, yara sa legal nga pang-edaron kag lunsay residente sang nasambit nga lugar.
Sa interview sang Bombo Radyo kay Police Lieutenant Colonel Rogelio Tomagtang Jr., Officer in charge sang roxas Component City Police Station, iya ginpahayag nga kaupod sang suspek ang iya anak sang magpadulong sila sa puluy-an sang biktima.
Suno kay Tomagtang,tuyo sini nga magsukot kuntani sang utang gani nagpanawag ang suspek rason nga naguha ang biktima kag hinali na lang ini nga ginluthang kag naigo sa iya nga tyan.
Apisar may pilas, nagbato kag nagbalos ang biktima, rason nga nagluntad ang isa ka tension sa tunga sang duha indibidwal.
Madasig naman nga gindala ang biktima sa ospital para sa nagakaigo nga pagbulong.
Samtang, ang suspek naman ang nag-angkon sang mga gasgas kag pilas sa iya ulo tuga sang tension.
Gilayon man ini nga nagpadulong sa Police Station agudboluntaryo nga magsungka sa kapulisan.
Sa subong, padayon ang imbestigasyon sang kapulisan sa insidente
