Lalaki pilason matapos ginpulihan sang kastigo sa Barangay Dayao

ROXAS CITY – Pilason ang isa ka persona matapos nga ginaalegar ginkastigo sang apat ka mga kalalakinhan sa Barangay Dayao, Roxas City.

Ginkilala ang biktima kay Romel Anisco 46-anyos sang nasambit nga lugar.

Base sa inisyal nga imbestigasyon sang Roxas City PNP nga samtang nagalakat ini sa kilid sang dalan kag may kaistorya sa cellphone sang hinali na lamang ini ginpalapitan sang isa ka lalaki kag ginsumbag samtang nagbulig naman kastigo ang tatlo ka iban pa.

Samtang, natumod naman ang isa sa apat ka mga suspek nga si Otoy Artates.

Bangud diri, ginpakaamayo na lamang sang biktima nga ipa-rekord sa pulisya ang insidente.