Lalaki, pilason matapos maaksidente ang iya ginamaneho nga motor sa Barangay Culasi, Roxas City

Pilason ang isa ka lalaki matapos ma-involve sa isa ka vehicular accident sa Sitio Puting Balas, Barangay Culasi, Roxas City.

Ang biktima amo si Jimmy Antoni, 57 anyos, lalaki, kag residente sang Barangay Dayao, Roxas City.

Suno sa chief tanod sang nasambit nga Barangay, nakibot sila sa mabaskog nga tunog sang pagbunggo sang nasambit nga motor rason nga madasig nila nga ginrespondehan.

Naka-angkon sang pilas sa tuo nga bahin sa ibabaw sang kilay kag sa tuo nga pus-on nga nagresulta sa tuman nga pagdugo.

Madasig man ini nga gindala sa ospital para dapatan sang nagakaigo nga pagbulong.

Sa subong, padayon ang imbestigasyon sang kapulisan angut sa insidente.